自從香港夜繽紛以來，越來越多大型戶外活動舉行，今次派出了炸豬國王化身成炸豬記者，去到維園出席了「FIBA 3×3世界巡迴賽——香港大師賽2023：3×3 Village」傳媒體驗日，這個大型嘉年華會定於今年11月22至26日在維多利亞公園舉行。
這個大型嘉年華會比我以往去過的都更大型，分成9大特式主題活動，分別有城市運動嘉年華、香港大牌檔、開心暢飲街、IM International Music Show、Happy Hour Chill Night 啤酒節、老香港飲食文化主題區、
可口可樂、老香港懷舊打卡區
及香港市集。
檔口賣餐飲熟食、小食、香港及國際美食、即食產品、手搖飲品、啤酒、調酒類、生活百貨、娛樂用品、自家手作、藝術品、本地特色產品等，超過九十檔。欣賞埋球賽區和IM Music Show，應該大半天都行唔完。
FIBA 3x3 世界巡迴賽 — 香港大師賽 2023 11月25-26日 16隊 3x3 籃球勁旅駕臨。這是「3×3世界巡迴賽」決賽前的最後分站賽，屬3×3最高級別的年度比賽，若果是籃球迷，想欣賞世界級球星和支持香港球隊，當然會購票入場，不會錯過。
除了緊張刺激的籃球比賽大台，另一個大台仲有強勁IM International Music Show，邀請了三大亞洲極具人氣當紅DJ，分別來自日本的DJ MAO、馬來西亞的DJ AMBER NA、香港的DJ LOKYII，以及
10多位來自香港和各地的當紅DJ。知道除了電音仲有今期大熱「光B - 尹光」會驚喜現身。
今年嘉年華開幕，邀請了大坑舞火龍亮相，場面隆重。
嘉年華其中一個重要主題是城市運動嘉年華，嘉年華入面都好多運動可以玩，例如3x3 籃球、滑板、運動攀登、棍網球、旱地冰球、桌下足球、手抓餅與腕力球等多樣性的運動，仲有專業教練教授在場指導。
另外仲有可口可樂主題館及巴士迷熱愛的「熱狗巴」可以打卡，有3款展場首發限定模型俾巴士迷搶購。
介紹完有咩睇，有咩聽，有咩玩，當然還有非常重要嘅有咩食。
嘉年華通常唔少得啤酒，嘆住啤酒睇球賽和聽音樂，除了一般嚟酒大品牌，仲有好多世界外地的限定啤、手工啤，多個本地手工啤品牌坐鎮，包括香港本土啤酒釀製廠Deadman Brewery、香港城釀 City Brew、Devil’s Tea 等。（酒精類飲品只可售賣予18歲以上人士）
美食檔方面，可以說是包羅萬有，中西美食到由人氣懷舊小食，咩都有得食。
試過一檔沙嗲串，有豬牛羊雞香腸，即場燒，新鮮熱辣香噴噴，價錢大約十幾廿幾蚊，非常便宜。
試過黑松露醬配薯條，薯條外脆內軟，點上黑松露醬，非常滋味。
提起黑松露，有一檔是賣黑松露味的Gelato雪榚，出面無乜機會試到。
有一檔廟街玉子燒和鐵板魷魚鬚，非常惹味。
有一檔是賣炸魚蛋、炸燒賣，炸豬扒和壽司薄餅都唔錯。
有一檔是賣燒烤食物，連燒蠔都有得食。
有一檔都係賣串燒，有超長30cm和牛串。
有一間賣台式食品，有我最愛的台灣胡椒餅賣。
最後有食過一檔賣台式食品的，有份量驚人的煎煎餅果子和可愛的微笑雞蛋仔。
聽講仲有榴槤班蘭河粉、法式油封鴨髀和各種蛋糕甜品都係必試的。食物款式太多，場地太大，活動太多，我都係盡量介紹，其實要分幾日去先試得晒，玩得晒。
活動資訊
‧名稱：FIBA 3×3世界巡迴賽——香港大師賽2023：3×3 Village
‧地點：維多利亞公園足球場
‧日期: 2023年11月22至26日中午12時至晚上10時
‧門票：港幣10元 (指定人士可免費入場)*不包括球賽區及IM Music Show
‧參展類型：餐飲熟食/小食/香港及國際美食/即食產品/手搖飲品/啤酒/調酒類/生活百貨/娛樂用品/自家手作/藝術品/本地特色產品
IM International Music Show
活動詳情
* 日期：24-11-2023 - 26-11-2023 (共三場)
* 時間：4:30 pm - 10:00 pm
* 地址: 維多利亞公園硬地足球場
* 限額優惠(先到先得)(不包括籃球賽事)
* 一日票: HK$399/場 (不包括籃球賽事)
* 三日票: HK$1050/3場 (原價HK$1197)(不包括籃球賽事)
「FIBA 3x3 世界巡迴賽 — 香港大師賽 2023」票價
1） 11月25日（星期六）上午票（資格賽） - $100
2） 11月25日（星期六）下午票（正賽小組賽） - $100 及 $200
3） 11月26日（星期日）全日票（八強至決賽） - $280、$480 及 $680（附送大會限量版八達通）
FIBA 3x3 世界巡迴賽 — 香港大師賽2023 持票者可同日無限次進入「3x3 Village」，但不包括額外收費項目。
#美食 #籃球 #啤酒 #運動 #嘉年華 #Festival #好去處 #可口可樂 #維園 #市集 #Music #舞火龍 #打卡 #音樂會 #九巴 #電音 #DJ #Sport #show #香港大師賽 #3X3 village
(此文章由U Blog 同步發佈至社群)
